Vala e pamëshirshme e të nxehtit në Indi ka vrarë të paktën 77 njerëz, gjatë 10 ditëve të fundit, ndërsa vendi përfundoi votimin në zgjedhjet e përgjithshme më të mëdha në botë.
Më shumë se 50 njerëz humbën jetën në Indi, gjatë tri ditëve të fundit, si pasojë e një vale të nxehti që përfshiu disa rajone të vendit. Sipas autoriteteve lokale, 33 punonjës për zgjedhjet, përfshirë zyrtarë dhe roje të sigurisë, vdiqën në një ditë të vetme në shtetin verior, Utar Pradesh. Ndërkohë në shtetin Odisha, humbën jetën së paku 20 njerëz.
Këtë vit, temperaturat kanë arritur një rekord me mbi 45 gradë celsius në Indi dhe në disa zona edhe 50 gradë.
Departamenti i Motit i Indisë tha se temperaturat ka gjasa të bien në ditët në vijim, për shkak të fillimit të shirave monsun.
Disa rajone janë duke përjetuar, po ashtu, mungesa të mëdha të ujit dhe energjisë elektrike, për shkak të rritjes së konsumit gjatë vapës./A2CNN
Rama uron ditën e Alfabetit të Gjuhës Shqipe
Analistët: Përdorimi i raketave të shpejta nga Rusia, sinjal...
Ndodh edhe puthja e shumëpritur mes Lelës dhe Leos
Real Madridi mund të futet në garë për Lookman, por çmimi i ...
Pas tërheqjes së Matt Gaetz, Trump emëron Pam Bondin për pos...
Horoskopi, çfarë kanë parashikuar yjet për shenjën tuaj sot
Skip to content
